Jeugdprinsenpaar 2009

 

Prins Delano I en Prinses Elke


Proklammasie 2009

Veer, Prins Delano d’r ièsjte. Graaf va Sjin, Hertog va Awt-Vallekeberg, Sjtröch, Kuiteberg, Vors va Sjoanbron.
Opper-Waterretje veur d’r doer va dit regeringsjaor, make , biegesjtange door mien Prinses Elke en oze wieze raod de noe kómmende elf reigele bekint.

 
Ten 1e: Dat veer uch allemaol maoge treffe, drie daag in oze narretempel ’t Gemeinsjapshoes.
Ten 2e: Dat deer allemaol op oos resepsie kômpt op 30 jannewarie.
Ten 3e: Dat Sjin nog greuner es greun weurt nao ‘t projec dörp in ‘t greun, meh veer zint toch neet zoa greun.
Ten 4e: Dat deer allemaol drie daag väöl sjpass makt.
Teb 5e: Dat t’r op hauf vaste eine voetbalwedstrijd kump tösje mien élftal en dat van mien Prinses.
Ten 6e: Dat veer vanaaf volgend jaor zelf moppe gunt tappe in de kanavalsmés.
Ten 7e: Dat ich zal blieve zinge veur alle Waterratte graot en klein.
Ten 8e: Dat veer es jeugcarnevalsvereiniging nog väöl jaore plezeer maoge belaeve hie i Sjin.
Ten 9e: Dat ‘t jeugcollege op de kis mót gaon howwe bie B&W zoadat de pannakoai d’r eindelik kump.
Ten 10e: Dat geer allemaol vriedig 20 februwari nao de canevalsjeugdisco kómp, dan geit’t loos.
Ten 11e: Tot sjlot wil ich mien Auwesj, de Auwesj van mien Prinses en ’t Commitee van de Waterretjes bedanke dat veer dit maoge doon.

 
Gegaeve i Sjin op 25 jannewari 2009

 

Prinselaria

 

11. Van Prins Delano en Prinses Elke kinste melle tot ze d’r zelfde hobby höbbe: voetballe! Allebei van jôngs af aan!! De zunt op eine maond nao precies aeve oud en waere in hun regeerperiode allebei 11(!) jaor! Prins Delano haet e twièlingzusterke, Cinzia
10. Elke hat nog eine hobbie: danse bie de showgroepe van Club 77. Häör ein jaor auwer breurke Mika voetbalt bie de D1 van de Sjtröchter Boys en benjamin Gorgi is zelfs kampioen gewore mit het sjterreteam van Sjtröchter Boys F1!
9. Prins Delano fietst, wandelt en zjwumt gaer. Dat hatter aafgekeke van die toeriste die op zien kemping kômme…die dunt d’r ganse daag auch nieks angesj.
8. Prins Delano is in ziene vrieje tied auch nog zenger en auch geit hae gaer mit zien vössje en sjildpadde wandele
7. Prinses Elke kalt gewoon plat. Heim môt ‘t dèkker koelhollensj kalle taege d’r Pap want dat deit dae auch es hae truugk kump oet ‘t Getske.
6. Prins Delano sjpeelt auch gaer op ziene kompjoeter en ônger ‘t wandele op d’r draagbare Nintendo
5. Prinses Elke zingk auch waal ins, meh dan ônger de doesj. ‘t Is erg muzikaal en sjpeelt saxofoon bie de fanfaar.
4. De carnaval ziet Prins Delano in ‘t blood: d’r nonk van de mam is al jaore bie d’r Raod van Elf van de Waterratte en eine angere nonk van de mam waor vreuger zelfs president van de Waterratte. D’r Opa höbbe ze jaore d’rvan verdach dat hae prins van de Waterratte zou waere!
3. ‘t Voetbaltalent haet Prinses Elke van de mam mitgekrege. Die voetbalde vreuger de sjterre van d’r hemel in Ingber. D’r Pap van Prinses Elke “voetbalt” nog ummer bie de veterane (vet eraan) van de Sjtröchter Boys.
2. Prins Delano haet eine Pap dae mit d’r veurnaam Patrick en mit achternaam Roelofsen heisj. De mam is e maedje en dat heisj Saskia mit d’r veurnaam en heesj vreuger Marcus van achter. Prinses Elke haet auch eine Pap en dae heisj Dan Bekkers, de mam is auch e maedje en heisj Ellen.
1. Prinses Elke haet auch hoesdere: Jos de kat, Sjeng de cavia en Wop d’r Knien. Same mit de dere van Prins Delano kinne ze mekkelig same ein kingerboerderie beginne in de baende bie ‘t moerasje van d’r Ton.

alaaf!!

 
Prins Delano d’r Ièsjte, biegesjtange door Prinses Elke en d’r Wieze Raod.